وسع صدرك

يارب تسعد لي هالوجه اللي قاعد يقرأ الحين ..

محشش دخل استريو قال عندك محمد عبده قال : نعم ,, قال : خله يطلع موتره مسكر علي !!!!

في واحد غبي عرف أن الشيطان شاطر راح يدرس معاه !!

صرصور منوم في المستشفى يوم دخلوه غرفة التنويم لقى صرصور ثاني في السرير اللي بجمبه قال له : بف باف ؟ قال لا زبيريه !

محشش يسأل اليوم سبت ولا أحد ؟ قالوا له الأثنين . قال ماشاء الله كلهم مجتمعين !!

فيه واحد عصبي مره .. ضرسه وجعه راح للدكتور قال له اقلع ضروسي كلها الا هو خلّه عناد !!

غبي دخل للعسكريه ,,,المهم لم وصل للتدريب الميداني سأله القائد : اذا جتك دبابه ومعك قنبله ايش تسوي ؟ قال الغبي : افجر القنبله رد القائد وسأله : و اذا كانت دبابتين ؟ قال الغبي : افجر قنبلتين قال القائد : واذا ثلاث ؟ قال الغبي : افجر ثلاث قنابل قال القائد : واذا اربع دبابات ؟ رد الغبي وهو زعلان : " لعنبو ذا الجيش الي ما فيه الا انا " !!!

تفسير الكلمات :
برج إيفــل
بر : وهو الصحراء ,. وفيه يوجد البدو ورعاة الأغنام , ويتميز بجمعه لدشير الرياض أثناء إجازة الربيع , وياتي منه انواع منه ماهو بطعوس ونوع الربيع ونوع القحط .ليس له وكيل حالياً
ج : للتاكيد.
إي : وهو حرف E بالإنقلش , لامعنى له في العربيه.
فـل : قيل أنه نوع من أنواع الزهور , يقال : فل وياسمين , وقيل أنها لفظه عربيه يستخدمها المطخطخين في محطات البنزين حيث يقولون لعامل المحطه : عب فـل ياصديق , أما الطفران فيقول عـب بـ 10 , والمعنى الثاني هو الراجح برأيي.
وتعني " برج إيفل " : أنه لابد على من سيذهب الى البر أن يعبي البنزين فل وإلا فلا .

أفراح وتهاني
أف : وهو التأفف وهو مايقال عند الطفش من هالدنيا .
راح :وتعني ذهب الى مكان ما , فيقال : راح دحيم للبقاله , أي ذهب عبدالرحمن الى السوبرماركت .
و : واو يعني ظنك وشهي ‍؟؟
تهاني : اسم لإنثى , وقد يطلق في بعض الثقافات المتحجره : تحاني ... وقيل كذلك أن أفراح أيضاً اسم بنت .
ولم أجد لهذ الممصطلح تفسيراً منطقياً ولكن أعتقد وبخبرتي أن هالبنتين عندهم شي بيقولونه بس مأحد عطاهم فرصه .